გულო ყიფიანი- ეს სახელი და გვარი ქუთაისში სილამაზესთან, სიყვარულთან და სათნოებასთან ასოცირდებოდა... სამწუხაროა, რომ ამ სულით და ხორცით ულამაზეს ქალბატონზე წარსულ დროში საუბარი გვიწევს...
გულო ყიფიანი - ვარდივით ლამაზი და მომხიბვლელი ქალი, რომლის სადღეგრძელოსაც მამაკაცები ვარდის ფურცლებით სვამდნენ - დიახ, ეს ლეგენდა არაა, ეს რეალობაა და ეს იმის დასტურია, როგორ ეთაყვანებოდნენ ქუთაისში მართლაც უბადლოდ ლამაზ ქალბატონს.
გულო ყიფიანი იყო ქუთაისის საპატიო მოქალაქე, დამსახურებული პედაგოგი, არაერთი ჯილდოს მფლობელი, მსახიობი, მხატვრული კითხვის უბადლო ოსტატი.