თბილისში მიმდინარე მოვლენების დროს დაშავებული ჟურნალისტების და ოპერატორების მხარდასაჭერად ქუთაისში აქცია გაიმართება. "არა ძალადობას, მოგვეცით მუშაობის საშუალება" -ამ დევიზით იმერეთში მოქმედი მედიასაშუალებების წარმომადგენლები, ქუთაისში, მესხიშვილის თეატრის წინ შეიკრიბებიან.
ჟურნალისტები თბილისში მედიის წარმომადგენლებზე განხორციელებულ ძალადობას გმობენ და დამნაშავე პირების დასჯას მოითხოვენ.
აქცია ქუთაისის ცენტრალურ მოედანზე, ხვალ 10:30 საათზე გაიმართება.
ცნობისთვის, დღეს ძალადობრივი ჯგუფების ქმედებების შედეგად თბილისში 55 ადამიანი დაშავდა, მათ შორის 53 მედიის წარმომადგენელია.