საიტი მუშაობს ტესტირების რეჟიმში
სპონსორი: PSnewsGE
"აფხაზური პოეზიის ანთოლოგია" ქართულ ენაზე გამოიცა
ავტორი: PS („პოსტსკრიპტუმი“)
2020/09/26 14:16:22

ქართულ ენაზე "აფხაზური პოეზიის ანთოლოგია" გამოიცა.კრებულში შესულია აფხაზი ავტორების ლექსები და პოემები, რომლებიც ახალგაზრდა პოეტმა და აფხაზური ლიტერატურის მკვლევარმა, ტერენტი გრანელის სახელობის პრემიის ლაურეატმა ნიკა ბაძაღუამ თარგმნა.


ანთოოლოგიის გამომცემელ-რედაქტორის, ზაურ ნაჭყებიას განცხადებით, აფხაზური პოეზიის ნიმუშები გასული საუკუნის 20-30 წლებიდან გახდა მკითხველისთვის ხელმისაწვდომი და უფრო ადრეულ პერიოდში ბეჭდური ან ხელნაწერი ნიმუშები ცნობილი არ არის.

 

ნაჭყებიას ინფორმაციით, "აფხაზური პოეზიის ანთოლოგია" 160 გვერდიანია და 65 ავტორის ლექსი და პოემაა შესურლი.

 

"აფხაზური პოეზიის ანთოლოგიის" გამოცემა ნიდერლანდების სამეფოში არსებულმა ორგანიზაცია World of Diaspora-მ დააფინანსა, რომლის თანადამფუძნებელი ლალი ბუთბაია აფხაზეთიდაა.

 

" ორგანიზაცია World of Diaspora-ს დამფუძნებლები ჩემთან ერთად, იზოლდა კვიციანი და ნინო უბილავა, აფხაზეთიდან ვართ. ჩვენმა გამოცდილებამ გვიჩვენა, რომ ტერიტორიების დაბრუნებამდე ჯერ ქართველებმა და აფხაზებმა უნდა დაიბრუნონ ერთმანეთი. გაჩნდეს ნდობა, აღდგეს ურთიერთობები და დანგრეული ხიდები. ამისთვის World of Diaspora მნიშვნელოვან ღონისძიებებს და პროექტებს გეგმავს. ამ ანთოლოგიის გამოცემაც ქართულ-აფხაზური ურთერთბების აღდგენისთვის გადადგმულ ნაბიჯად შეიძლება ჩავთვალოთ",-განაცხადა ლალი ბუთბაიამ.

 

ლალი ბუთბაიას განცხადებით, "აფხაზური პოეზიის ანთოლოგიის" წარდგენა ნიდერლანდების სამეფოში შემოდგომაზე იგეგმებოდა, თუმცა covid-19-ის პანდემიის გამო გეგმები შეიცვალა, ამის გამო ნიდერლანდებში მცოხვრები ქართველებისა და აფხაზებისთვის პრეზენტაცია გაზაფხულზე გაიმართება.

 

"აფხაზური პოეზიის ანთოლოგიის" რედაქტორი  პროფესორი, აფხაზოლოგი თეიმურაზ გვანცელაძეა. პროექტის მხარდამჭერი სოხუმის სახელმწიფო უნივერსიტეტია.

'.$TEXT['print'].'
სულ ნანახია - 214
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2020 საავტორო უფლებები დაცულია