დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
ქვევრის ღვინის მესამე საერთაშორისო კონკურსის დაჯილდოება გაიმართა
ავტორი: PS („პოსტსკრიპტუმი“)
2019/07/06 18:12:34

 

თბილისში, ქვევრის ღვინის მესამე საერთაშორისო კონკურსის გამარჯვებულების დაჯილდოების ცერემონია გაიმართა, სადაც 29 ღვინოს ოქროს, 175-ს ვერცხლის და 76-ს ბრინჯაოს დიპლომები გადაეცათ.კონკურსი ასოციაცია  „ქართული ღვინო“-ს, გარემოს დაცვისა და სოფლის მეურნეობის სამინისტროს და ღვინის ეროვნული სააგენტოს ორგანიზებით,  უკვე მესამედ ჩატარდა.


კონკურსის მიზანი მსოფლიოსთვის საუკეთესო ქვევრის ღვინოების წარდგენა და ქვევრის ღვინის წარმოებისა და მოხმარების ხელშეწყობაა.


ღონისძიების სტუმრებს   საქართველოს გარემოს დაცვისა და სოფლის მეურნეობის მინისტრის მოადგილე ხატია წილოსანი, ასოციაცია „ქართული ღვინო“-ს აღმასრულებელი დირექტორი თინათინ კეზელი და ღვინის ეროვნული სააგენტოს თავმჯდომარე ლევან მეხუზლა მიესალმნენ.


„ქვევრის ღვინო არის  უნიკალური პროდუქტი, რომლის პოპულარიზაცია როგორც საერთაშორისო, ისე ადგილობრივ ბაზრებზე, არის უმნიშვნელოვანესი პრიორიტეტული მიმართულება საქართველოსთვის. დღეისათვის ქართული ღვინის საექსპორტო ბაზარი 50-ზე მეტი ქვეყენაა და ჩვენ მოხარული ვართ, რომ ქვევრის ღვინო ხარისხობროვად უმჯობესდება და სულ უფრო და უფრო მეტი კომპანია აწარმოებს მას. საქართველოში იწარმოება მაღალი ხარისხის ღვინო, რაც მნიშვნელოვნად გააუმჯობესებს ქართული ღვინის წარმომადგენლობას საერთაშორისო ბაზრებზე“ - აღნიშნა გარემოს დაცვისა და სოფლის მეურნეობის მინისტრის მოადგილემ, ხატია წილოსანმა.


კონკურსი 21-22 ივნისს გაიმართა და მასში  ღვინის 320 ნიმუში 120-მა კომპანიამ წარადგინა. ის ღვინოები, რომლებაც კონკურსში ოქროს დიპლომები მიიღო, მიმდინარე წლის შემოდგომაზე წარდგენილი იქნება აშშ-ში, ქალაქ ბოსტონში  დაგეგმილ „ქართული ღვინის ფორუმზე“.


კონკურსის ჟიურის თავმჯდომარე, საქართველოს დამსახურებული მეღვინე გიორგი დაქიშვილი იყო, ჟიურის შემადგენლობაში იყვნენ ღვინის ეროვნული სააგენტოს  თავმჯდომარე ლევან მეხუზლა, ღვინის მაგისტრი ლიზა გრანიკი (აშშ),ასევე ღვინის ექსპერტები გეორგ ბინდერი (გერმანია), მაგდა სურგულაძე, ვლადიმერ კუბლაშვილი, ვანო შიუკაშვილი და ირმა ჭანტურია.


'.$TEXT['print'].'
სულ ნანახია - 800
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია