საიტი მუშაობს ტესტირების რეჟიმში
სპონსორი: PSnewsGE
ჭიათურმანგანუმის ადმინისტრაცია თანახმაა,მაღაროელთა მოთხოვნების დიდი ნაწილი დააკმაყოფილოს
ავტორი: PS („პოსტსკრიპტუმი“)
2019/05/19 18:22:00

 

19 მაისს, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სსიპ სამედიცინო საქმიანობის სახელმწიფო რეგულირების სააგენტოს უფროსის მოვალეობის შემსრულებელი თეიმურაზ პირველაშვილი ჭიათურაში გაფიცულ მაღაროელებს შეხვდა. შეხვედრას ესწრებოდნენ ჭიათურის საკრებულოს წარმომადგენლები და მაჟორიტარი დეპუტატი.


სააგენტოს წარმომადგენელმა მოისმინა გაფიცულთა მოთხოვნები. სამედიცინო მომსახურების თვალსაზრისით, ძირითადი უკმაყოფილება გამოითქვა იმასთან დაკავშირებით, რომ ზოგიერთი მაღარო არ არის უზრუნველყოფილი სამედიცინო პუნქტით, პირველადი სამედიცინო დახმარების მედიკამენტებით და საგნებით. ასევე, მიუხედავად იმისა, რომ მაღაროს თანამშრომლები და ხშირ შემთხვევაში, მათი ოჯახის წევრები უზრუნველყოფილნი არიან კერძო სამედიცნო დაზღვევით, ვერ ახერხებენ სრულფასოვანი სამედიცინო მომსახურების მიღებას.


მაღაროელთა პრეტენზიების მოსმენის შემდეგ, შედგა შეხვედრა სს „ჭიათურმანგანუმის“ ადმინისტრაციის წარმომადგენლებთან.  შენიშვნების დიდი ნაწილი გაზიარებულ იქნა და მათი მხრიდან გამოითქვა  მზადყოფნა იმისათვის, რომ აღნიშნული პრობლემები მაქსიმალურად მოკლე დროში იქნება აღმოფხვრილი.

 

'.$TEXT['print'].'
სულ ნანახია - 78
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია