6 მაისს, გიორგობა დღეს,  ხონის მუნიციპალიტეტში გამართულ სახალხო დღესასწაულში -  „ხონელობა 2019“ -  ფსიქიკური ჯანმრთელობის ეროვნული ცენტრიც მონაწილეობდა. 

ცენტრალურ ბულვარში ეროვნული ცენტრის ბენეფიციარების ხელნაკეთი ნივთებისა და ნახატების გამოფენა გაიმართა.  აღნიშნული ნახატები და ხელნაკეთი აქსესუარები დაწესებულების ფსიქო–სოაციალური რეაბილიტაციის განყოფილებაში პაციენტების მიერ დამზადდა.

გამოფენამ დამთვალიერებელთა დიდი ყურადღება და მოწონება დაიმსახურა.

ფსიქიკური ჯანმთელობის ეროვნული ცენტრი, როგორც ყველაზე დიდი და მულტიფუნქციური ფსიქიატრიული  დაწესებულება  ქვეყანაში, რომელიც ხონის ერთ-ერთ სოფელში, ქუტირში მდებარეობს,  "ხონელობას" თითქმის ყოველ წელს უერთდება. 

ხონელობა, ყოველი წლის 6 მაისს, წმინდა დიდმოწამე გიორგის აღსრულების დღეს იმართება. საზეიმო ღონისძიებაში, ძირითადად ხონის მუნიციპალიტეტის ტერიტორიაზე არსებული დაწესებულებები და სოფლები მონაწილეობენ.