საიტი მუშაობს ტესტირების რეჟიმში
სპონსორი: PSnewsGE
ევროპის გოგონათა მათემატიკის მე-10 ოლიმპიადა 2021 წელს ქუთაისის აკაკი წერეთლის სახელმწიფო უნივერსიტეტში ჩატარდება
ავტორი: PS („პოსტსკრიპტუმი“)
2019/04/15 14:53:15

 

 ქალაქ კიევში ევროპის გოგონათა მათემატიკის მერვე საერთაშორისო ოლიმპიადა დასრულდა, რომელშიც ევროპის 36, ჯამში კი, მსოფლიოს 49 ქვეყანა (მათ შორის აშშ, იაპონია, ბრაზილია, ავსტრალია და სხვ.) მონაწილეობდა. საქართველოს ეროვნულმა ნაკრებმა, რომელიც კომაროვის ფიზიკა-მათემატიკური სკოლის მოსწავლეებით იყო დაკომპლექტებული საუკეთესო შედეგიდააფიქსირა:1 ოქრო, 2 ვერცხლის მედალი და 1 საპატიო სიგელი.

 

საქართველოს ნაკრები გუნდურ ჩათვლაში ევროპის ქვეყნებს შორის მე-8, ხოლო საერთო ჩათვლაში მე-11 ადგილზე გავიდა. ანა ონოფრიშვილიმა ოქროს მედალი,თამარ კორკოტაშვილმა ვერცხლის მედალი,მარიამ ივარდავამ ვერცხლის მედალი, ხოლო ქეთი სულამანიძემ საპატიო სიგელი მოიპოვეს. საპატიო სიგელის მფლობელი გახდა ასევე ანა მარია მექერიშვილი, რომელიც ჰოლანდიის გუნდის სახელით მონაწილეობდა.

 

მნიშვენლოვანია აღინიშნოს, რომ ევროპის გოგონათა მათემატიკის მე-10 ოლიმპიადა 2021 წელს  საქართველოში,ქუთაისის აკაკი წერეთლის სახელმწიფო უნივერსიტეტში ჩატარდება. უნივერსიტეტის რექტორატის ინიციატივას - უმასპინძლონ ამ უდიდეს ფორუმს, ოლიმპიადის ორგანიზატორებმა  ერთხმად დაუჭირეს მხარი. დამოუკიდებელი საქართველოს არსებობის ისტორიაში, ასეთი დონის და მასშტაბის მათემატიკური ფორუმი (ოლიმპიადა, შეჯიბრი) ჩვენთან აქამდე არ გამართულა.

 

ნაკრები გუნდის ოლიმპიადაზე მონაწილეობა დაფინანსებულია განათლების, მეცნიერების, კულტურისა და სპორტის სამინისტროს მიერ "საერთაშორისო სასწავლო ოლიმპიადების" ქვეპროგრამისფარგლებში.



'.$TEXT['print'].'
სულ ნანახია - 279
სხვა ამბები
ბოლოს იხილეს
მსგავსი სიახლეები
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია