საიტი მუშაობს ტესტირების რეჟიმში
სპონსორი: PSnewsGE
თბილისის 6 ქუჩას 9 აპრილს დაღუპული ქალების სახელები მიენიჭება
ავტორი: PS („პოსტსკრიპტუმი“)
2019/04/09 15:45:57

9 აპრილი საქართველოსთვის გლოვის დღეცაა და - დამოუკიდებლობის მოპოვების; 1989 წელს რუსთაველზე დაღვრილი სისხლიდან ორი წლისთავზე, 1991 წლის 9 აპრილს საქართველოს ეროვნულმა ხელისუფლებამ და პირველმა პრეზიდენტმა, ზვიად გამსახურდიამ 9 აპრილი საქართველოს დამოუკიდებლობის დღედ გამოაცხადა. 

დღეს კი ამ სისხლიანი თარიღიდან 30 წლისთავზე თბილისის საკრებულომ თბილისის ქუჩებისთვის 9 აპრილს დაღუპული ქალების სახელების მინიჭებაზე იმსჯელა.

 

 სახელდებისა და სიმბოლიკის კომისიამ საჯარო განხილვაზე მხარი დაუჭირა ჩუღურეთის რაიონში, ივერთუბანში, 6 ქუჩისთვის, 9 აპრილს დაღუპული 6 ქალის სახელის მინიჭების გადაწყვეტილებას. 

 

თბილისის 6 ქუჩას მზია ჯინჭარაძის, თამუნა დოლიძის, თინა ენუქიძის, მანანა ლოლაძის, ელისო ჭიპაშვილის და თამარ მამულაშვილის სახელები მიენიჭება.

როგორც თბილისის საკრებულოში განაცხადეს, 9 აპრილის ღამით, 21 დაღუპულიდან ოთხი მათგანის სახელობის ქუჩა თბილისში უკვე არსებობს.  მომავალ წელს  კიდევ 6 დაღუპულის სახელი მიენიჭება თბილისის ქუჩებს. დარჩენილი 5 დაღუპულის შემთხვევაში, ვინაიდან ისინი რეგიონებიდან არიან, თბილისის საკრებულო იშუამდგომლებს ადგილობრივ საკრებულოებთან, რომ მათი სახელდება მოხდეს საცხოვრებელი ტერიტორიების მიხედვით.

 

როგორც თბილისის საკრებულოს თავმჯდომარემ გიორგი ტყემალაძემ განაცხადა, ქუჩისთვის 9 აპრილის ტრაგედიის დროს დაღუპულთა სახელის მინიჭების თაობაზე თბილისის საკრებულო საბოლოო გადაწყვეტილებას 2-3 კვირაში მიიღებს.

 

„სახელდება უკვე მინიჭებული აქვს ექვს ქუჩას, ხოლო შემდეგ დანარჩენი ქუჩები იქნება სახელდებული. კომისიის დღევანდელი გადაწყვეტილების შესაბამისად, ჩვენ პროცედურების გავლის შემდგომ, დაახლოებით ორ-სამ კვირაში გვექნება საშუალება, რომ საკრებულოს სხდომაზე საბოლოო გადაწყვეტილება მივიღოთ“, – განაცხადა გიორგი ტყემალაძემ.

 

განხილვას კომისიის წევრებთან ერთად, 9 აპრილის მსხვერპლთა ოჯახის წევრები, 1990 წლის 20 იანვარს, ბაქოში, მშვიდობიანი მიტინგის დარბევისას დაღუპულთა ოჯახის წევრები დაესწრნენ.

 

'.$TEXT['print'].'
სულ ნანახია - 223
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია