საიტი მუშაობს ტესტირების რეჟიმში
სპონსორი: PSnewsGE
ბუტა რობაქიძის საქმეზე საქალაქო სასამართლოში განაჩენი გამოცხადდა
ავტორი: PS („პოსტსკრიპტუმი“)
2018/12/18 18:05:33

დღეს ბუტა რობაქიძის საქმეზე საქალაქო სასამართლოში განაჩენი გამოცხადდა.გადაწყვეტილება მოსამართლე დავით მგელიაშვილმა  გამოაცხადა.


ბუტა რობაქიძის მკვლელობასთან დაკავშირებით, სამსახურეობრივი უფლებამოსილების ბოროტად გამოყენებაში ბრალდებული შინაგან საქმეთა სამინისტროს ყოფილი მაღალჩინოსნები, ირაკლი ფირცხალავა, გურამ დონაძე, ზაზა ბაქრაძე, ზურა მიქაძე და დავით იაშვილი თბილისის საქალაქო სასამართლომ დამანაშავედ სცნო.

 

გურამ დონაძეს და დავით იაშვილს  სასჯელის სახით 5 წლით და 3 თვის ვადით თავისუფლების აღკვეტა მიესაჯათ და აეკრძალათ თანამდებობის დაკავება 2 წლით და 3 თვით.

 

ზურა მიქაძეს სასჯელის სახით 6 წელი და 3 თვის თავისუფლების აღკვეთა განესაზღვრა. დანამდებობის დაკავება 2 წლით და 3 თვის ვადით აეკრძალა.

 

ირაკლი ფირცხალავას სასჯელის სახით თავისუფლების აღკვეთა - 5 წლით და 3 თვის ვადით. 2 წლით და 3 თვის ვადით სახელმწიფო თანამდებობის დაკავება აეკრძალა.

 

ბუტა რობაქიძის მკვლელობასთან დაკავშირებით, შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების ბოროტად გამოყენების საქმეზე ბრალდებული იყო 5 პირი: გურამ დონაძე, ზაზა ბაქრაძე, ზურა მიქაძე, ირაკლი ფირცხალავა და დავით იაშვილი.

 

ზაზა ბაქრაძე ერთადერთი იყო აღნიშნულ საქმეზე ბრალდებულთაგან, რომელიც ჩადენილ დანაშაულს აღიარებდა და აცხადებდა, რომ ბუტა რობაქიძის მკვლელობის ადგილზე იარაღი მიტანილი იყო და ამაში მასაც ჰქონდა მონაწილეობა მიღებული. ბაქრაძე მიმდინარე წლის 28 თებერვალს ჩვენების მისაცემად დაბრუნდა საქართველოში, რა დროსაც თბილისის საერთაშორისო აეროპორტში დააკავეს. 30 მარტს ის 5 000-ლარიანი გირაოს სანაცვლოდ სხდომათა დარბაზიდან გაათავისუფლეს.

'.$TEXT['print'].'
სულ ნანახია - 264
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია