ქართველმა ოლიმპიურმა ჩემპიონმა, ლაშა ტალახაძემ თურქმენეთის დედაქალაქ აშხაბადში მსოფლიო რეკორდი დაამყარა.
ლაშა ტალახაძემ (+109 კგ.) აშხაბადის მსოფლიო ჩემპიონატზე ატაცში ოქროს მედალი მოიპოვა და 2 რეკორდიც დაამყარა. პლანეტის უძლიერესმა ძალოსანმა პირველ მისვლაზე 207 კგ. დაძლია, მეორე მისვლაზე აწეული 212 კილოგრამით მსოფლიო რეკორდი დაამყარა, ხოლო ორიოდ წუთში საკუთარი რეკორდი 5 კილოგრამით გააუმჯობესა და 217 კილოგრამი აიტაცა.
საქართველოს ნაკრების კაპიტანმა, ირაკლი თურმანიძემაც სამივე ცდა (195, 200, 203) ბრწყინვალედ შეასრულა და ბრინჯაოს მედლის მფლობელი გახდა.