დღეს ქუთაისში, პარლამენტის შენობის წინ სამოქალაქო საზოგადოების საპროტესტო აქცია დაიწყო. ისინი ქუთაისიდან პარლამენტის გადატანის და ქალაქისთვის საპარლამენტო სტატუსის წართმევის წინააღმდეგი არიან.
აქციაში მონაწილეობას იღებდნენ არასამათავრობო ორგანიზაციები, პოლიტიკური პარტიები, რიგითი ქუთაისელები და ქუთაისის საკრებულოს ოპოზიციონერი დეპუტატები. მათი მთავარი სლოგანი იყო "ნუ წაართმევთ ქუთაისის მომავალს"!
რაც შეეხება ქუთაისის საკრებულოს უმრავლესობას, მათ "ნაციონალური მოძრაობის" დეპუტატმა, გიგა შუშანიამ,საკრებულოს სხდომის დაწყებამდე მოუწოდა, რომ აქციას შეერთებოდნენ, თუმცა უმრავლესობა აქციას არ შეუერთდა და რადგან, მათი თქმით, პარლამენტის გადატანის საკითხი საკრებულოს კომპეტენეცია არ არის და ახლა ლოდინია საჭირო.
„დარწმუნებული ვარ, პარლამენტი ისე გადაწყვეტს ამ საკითხს, როგორც ქუთაისისთვის იქნება უკეთესი. დამატებით ძალიან ბევრი სიკეთე ემატება ამ ქალაქს და კეთდება ბევრი კარგი პროექტი,"-განაცხადა საკრებულოს თავმჯდომარემ,ნიკა ლატარიამ.
პარლამენტის ქუთაისიდან გადატანას გასაპროტესტებლად მსოფლიოს ხუთგზის ჩემპიონმა სამბოში და ქუთაისის მერობის ყოფილი კანდიდატმა, ბესო მიქელთაძემ მშრალ შიმშილობას მიმართა და განაცხადა, რომ შიმშილობას მანამდე გააგრძელებს, ვიდრე ამის შესაძლებლობას ჯანმრთელობა მისცემს.