იმერეთში ტურისტული ლოკაციების საკოორდინაციო ცენტრის ჩამოყალიბება იგეგმება.
ცენტრი იმერეთის კურორტების ერთობლივი მარკეტინგის გეგმის შექმნასა და ცნობადობის ამაღლებაზე იმუშავებს.
ტურისტული ლოკაციების საკოორდინაციო ცენტრის დაფუძნების იდეა და მისი მნიშვნელობა გააცნო იმერეთის მხარეში სახელმწიფო რწუნებულის-გუბერნატორის ადმინისტრაციამ წყალტუბოში არსებული სასტუმროებისა და აბაზანების წარმომადგენლებს.
შეხვედრაზე, ასევე, საუბარი შეეხო წყალტუბოს, როგორც ევროპის ისტორიული თერმული ქალაქების ასოციაციის სრულუფლებიანი წევრის, ტურისტული პოტენციალის განვითარებას.