ქუთაისში, მაია ჩიბურდანიძის სახელობის საჭადრო სკოლის რეაბილიტაცია მიმდინარეობს. საჭადრაკო სკოლის რეაბილიტაცია სახელმწიფო ბიუჯეტიდან, 335 222 ლარით ფინანსდება. ინფორმაციას ინფრასტრუქტურის სამინისტრო ავრცელებს.
რეგიონული განვითარებისა და ინფრასტრუქტურის მინისტრი პროექტების მშენებლობა-რეაბილიტაციის სამუშაოების მონიტორინგს ქვეყნის მასშტაბით აგრძელებს. ამჯერად, ზურაბ ალავიძე იმერეთში იმყოფებოდა, სადაც რეგიონში მიმდინარე სპორტული ინფრასტრუქტურის სამუშაოებს გაეცნო.
ადგილობრივ ხელისუფლების წარმომადგენლებთან ერთად, მინისტრმა ქუთაისში, მაია ჩიბურდანიძის სახელობის საჭადრაკო სკოლის რეკონსტრუქცია-რეაბილიტაციის სამუშაოები დაათვალიერა.
განახლებული საჭადრაკო სკოლა, ზაფხულიდან საერთაშორისო და ადგილობრივი ტურნირების მასპინძლობას შეძლებს. აღნიშნული ობიექტი მე-20 საუკუნის მეორე ნახევარშია აშენებული და მას შემდეგ შენობის რეკონსტრუქცია არ მომხდარა.
შენობის პირველ სართულზე განთავსებულია ორი- წითელი და მწვანე დარბაზი. პროექტით გათვალისწინებულია მწვანე დარბაზისგაფართოება, რის შედეგადაც მოეწყობა ექვსი ოთახი, თავისი სველი წერტილებით. ასევე, რეაბილიტირდება შენობის ფასადი და აივნები. სამუშაოების ივნისში დასრულდება.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი