ნანა ძაგნიძემ თავის სამშობლოს, ქართველ ხალხს და მშობლიურ ქალაქ ქუთაისს საუკეთესო საახალწლო საჩუქარი გაუკეთა - მან ელვისებურ ჭადრაკში მსოფლიო ჩემპიონის ტიტული მოიპოვა!
მსოფლიო ჩემპიონატი საუდის არაბეთის დედაქალაქ ელ-რიადში მიმდინარეობდა. ქართველმა მოჭადრაკემ ტურნირი მაღალ დონეზე ჩაატარა, დაამარცხა მსოფლიოს მოქმედი ტან ჟონგი, ასევე ორი ყოფილი ჩემპიონი – ჟუ ვენჟეუნი და ანა უშენინა, ტურნირის მეორე ადგილოსანი, რუსი ვალენტინა გუნინა და მსოფლიოს ჩემპიონის ტიტული დამსახურებულად მოიგო.ნანა ძაგნიძემ 21 შესაძლებლობიდან 16,5 ქულით პირველი ადგილი დაიკავა და მსოფლიო ჩემპიონი გახდა!
შეგახსენებთ, რომ ძაგნიძემ წელს ლატვიის დედაქალაქ რიგაში კლასიკურ ჭადრაკში ევროპის ჩემპიონის ტიტულიც მოიპოვა.