ესტონეთის პრეზიდენტი კერსტი კალიულაიდი დღეს ვიზიტით ქუთაისში იმყოფებოდა და აკაკი წერეთლის უნივერსიტეტის სტუდენტებს შეხვდა.
მან საჯარო ლექციას წაიკითხა ციფრული ტექნოლოგიების და 1990 წლიდან დღემდე ესტონეთში ეკონომიკისა და განთლების სფეროში განხორციელებული რეფორმების შესახებ. შეხვედრა კითხვა-პასუხის რეჟიმში წარიმართა. ლექციის დასრულების შემდეგ პრეზიდენტი უნვერსიტეტის რექტორს შეხვდა. დღესვე გაიმართა შეხვედრა ქუთაისის მერთან,შოთა მურღულიასთან.
„დღეს ჩვენი მეგობარი ქვეყნის, ესტონეთის პრეზიდენტი იმყოფებოდა ოკუპირებული ტერიტორიების მიმდებარედ, რითაც კიდევ ერთეხლ გაუსვა ხაზი, რომ ესტონეთი, როგორც ევროკავშირის ქვეყანა, მხარს უჭერს საქართველოს ტერიტორიულ მთლიანობას. მან სტუდენტებთან ლექცია წაიკითხა ესტონური გამოცდილების შესახებ, თუ როგორ გახდა ესტონეთი ერთ-ერთი გამორჩეული ქვეყანა და თუ როგორ დააღწია თავი საბჭოთა კავშირის გავლენას. სტუდენტების მხრიდანაც საინტერესო შეკითხვები დაისვა და ვფიქრობ, საინტერესო შეხვედრა გამოვიდა.“ - განაცხადა საქართველოს პრეზიდენტის მრჩეველმა კახა კოჟორიძემ.
ლიკა დევდარიანი