საიტი მუშაობს ტესტირების რეჟიმში
სპონსორი: PSnewsGE
ქუთაისს უკვე ახალი საკრებულო ჰყავს
2017/10/28 12:15:28

 

 2017 წლის 21 ოქტომბრის ადგილობრივი თვითმმართველობის არჩევნების შედეგად ქუთაისს უკვე ჰყავს ახალი საკრებულოს შემადგენლობა, რომელსაც ქუთაისის N59- საოლქო საარჩევნო კომისია, კანონის თანახმად, დეპუტატის მანდატებს არჩევნებიდან არაუგვიანეს მე-16 დღეს, 6 ნოემბერს გადასცემს.



"ქართულ ოცნება"-ს  ქუთაისის მე-6 მოწვევის საკრებულოში უმრავლეობა კვლავ ექნება, მას 19 დეპუტატი ეყოლება, 10 მაჟორიტარი და 9 პარტიული სიიდან.



მეორე ადგილზე გასულ "ნაციონალურ მოძრაობას" 4 დეპუტატი ეყოლება, ხოლო "ევროპულ საქართველოს" – 2 დეპუტატი.



საბოლოო ჯამში, ქუთაისის საკრებულოს 25 კაციანი შემადგენლობა ასეთია:


მაჟორიტარები "ქართული ოცნებიდან" :
ავტოქარხანის მუნიციპალიტეტი - მერაბ კვიცარიძე
ძელქვიანის მუნიციპალიტეტი - ნიკოლოზ ჩეჩელაშვილი
კახიანოურის მუნიციპალიტეტი - ელეონორა არჩაია
საფიჩხიის მუნიციპალიტეტი - მარეხი ნიჟარაძე
ვაკისუბნის მუნიციპალიტეტი - მამუკა რიჟამაძე
გამარჯვების მუნიციპალიტეტი - ირაკლი შენგელია
უქიმერიონის მუნიციპალიტეტი - ამირან კოპალეიშვილი
ავტომშენებლის მუნიციპალიტეტი - იმედა საღინაძე
ქალაქ-მუზეუმის მუნიციპალიტეტი - გიორგი იშვილი
ნიკეას მუნიციპალიტეტი - კახა ბოჭორიშვილი



"
ქართული ოცნების" პარტიული სია:

1.
ნიკოლოზ ლატარია
2.
მაია სიმონიძე
3.
რამაზ ჩხიკვაძე
4.
ალექსანდრე ახალაძე
5.
ოთარ ლორთქიფანიძე
6.
ლაშა გვენეტაძე
7.
ნანა კოსტავა
8.
დავით წულეისკირი
9.
ვლასი გარდაფხაძე



"
ნაციონალურ მოძრაობის" პარტიული სია:

1.
ბესიკ ბრეგაძე
2.
გია უკლება
3.
ვლადიმერ კლდიაშვილი
4.
გრიგოლ შუშანია



"
ევროპული საქართველოს" პარტიული სია:

1.დავით გოგისვანიძე
2.
მერაბ მეშველიანი

 

კანონის თანახმად, ცენტრალურ საარჩევნო კომისია არჩევნების პირველი ტურის შედეგებ 11 ნოემბერს გამოაქვეყნებს. ხოლო მთელ საქართველოში, ახალი მოწვევის საკრებულოებში პირველი სხდომა, ცესკოს მიერ არჩევნების საბოლოო შედეგების შეჯამების შემდეგ, 30- დღეს გაიმართება.
 

რაც შეეხება, ქუთაისის მერის არჩევნებს, შედეგების მიხედვით, პირველ ტურში ქართული ოცნების კანდიდატი, გიორგი ჭიღვარია ლიდერობს, მეორე ადგილზეა „ნაციონალური მოძრაობის“ კანდიდატი გრიგოლ ვაშაძე. ქუთაისელებს მერის  საბოლოო არჩევანისთვის მეორე ტურში მონაწილეობა მოუწევთ.  თუმცა, როგორც გასულ კვირაში ცნობილი გახდა, „ნაციონალური მოძრაობის“ პოლიტსაბჭოს გადაწყვეტილებით, ისინი მეორე ტურში მონაწილეობას აღარ მიიღებენ.


პოლიტსაბჭომ გადაწყვიტა და არ შევდივართ მეორე ტურში. შესაბამისად, ეს ვერდიქტი ახლა ყველა ჩვენგანის აღსასრულებელია, დამოუკიდებლად იმისა, ვინ რას ფიქრობდა სხდომამდე", - განაცხადა მედიასთან  ქუთაისის მერობის კანდიდატმა „ნაციონალური მოძრაობიდან“, გრიგოლ ვაშაძე, -  ინსტრუქცია ორგანიზაციის აქტივისტებისგან მივიღე, იმ შესანიშნავი ადამიანებისგან, ჩემი მეგობრებისგან, ვინც შიშველი ხელით იბრძოდა... განახლებული პარტიის პირველ არჩევნები ღირსეულად დავამთავრეთ, ყველას ვაჩვენეთ, რომ რაც არ უნდა ეცადონ, ენმ ქვეყნის ერთადერთი ნამდვილი პარტია იყო, არის და იქნება... ინსტრუქცია შევასრულეთ, იმიტომ რომ გვეყოფა სხვისი დაწერილი წესებით თამაში და ადვილად გამოსაცნობი სვლები"- ამბობს გრიგოლ ვაშაძე.


ამავე საკითხზე  კომენტარი  გააკეთა  ნაციონალების ქუთაისის ორგანიზაციის ხელმძღვანელმა, გიგა შუშანიამაც, რომელმაც განაცხადა:"ჩვენ არ ვაპირებთ ბიძინა ივანიშვილის და ქართული ოცნების ფარსში მონაწილებას, მოსალოდნელი დაშინების, შანტაჟის და ამომრჩევლის მოსყიდვის პირობებში. 21 ოქტომბერს არ იყო არჩევნები, არამედ ეს იყო "ქართული ოცნების" და კრიმინალების ერთობლივი სპეცოპერაცია".

 

თვითმმართველობის არჩევნების მეორე ტურში მონაწილეობაზე "ნაციონალური მოძრაობისუარს "ქართული ოცნებაში" გამოეხმაურენ და ბრალდებები უარყვეს:  

ქართული  ოცნება - დემოკრატიული  საქართველოსგუნდმა  კიდევ ერთხელ  დაანახა საზოგადოებასრომ  ჩვენ  დემოკრატიული  არჩევნების  ჩატარება  შეგვიძლია  და  ვრჩებით  უალტერნატივო  ძალადრომელსაც  მოსახლეობა ენდობაჩვენ კატეგორიულად  ვემიჯნებით  ოპონენტების  მიერ გაჟღერებულ  ბრალდებებსგაყალბებისა  და  ძალადობის  შემთხვევაში  დავდებდით იმ შედეგსრომელიც  ჩვენთვის იქნებოდა სასურველიარჩევნების  მეორე  ტური  კი არის  დასტური  იმისა, რომ  ჩვენ  ვართ  ძალა, რომელიც  მოსახლეობას  საშუალებას  აძლევს,  საკუთარი  არჩევანი  თავად  გააკეთოს“, - განაცხადა  „ქართული ოცნება - დემოკრატიული საქართველოს ქუთაისი მერობის  კანდიდატმა გიორგი ჭიღვარია.

 

 საარჩევნო კოდექსის მიხედვით, 2017 წლის ადგილობრივი თვითმმართველობის არჩევნებზე მეორე ტური მიმდინარე წლის 15 ნოემბერამდე უნდა გაიმართოს.

 

ცესკოს ინფორმაციით, ”ნაციონალური მოძრაობისმიერ მერების არჩევნების მეორე ტურში მონაწილეობაზე უარის თქმის მიუხედვად, ქუთაისსა და მარტვილში არჩევნების მორიგი რაუნდი მაინც გაიმართება.


საარჩევნო კანონმდებლობის თანახმად, მეორე ადგილზე გასულინაციონალური მოძრაობისკანდიდატები საარჩევნო ბიულეტენებში მაინც იქნებიან წარმოდგენილი.


საარჩევნო კოდექსისმიხედვით, კანდიდატს უფლება აქვს, თავისი კანდიდატურა კენჭისყრის დღემდე არაუგვიანეს 12 დღისა მოხსნას, რისთვისაც მან სათანადო განცხადებით შესაბამის საარჩევნო კომისიას უნდა მიმართოს, მაგრამ წესი არჩევნების მეორე ტურზე არ ვრცელდება.

 

ტატა ჩადუნელი

 

 

 

'.$TEXT['print'].'
სულ ნანახია - 311
სხვა ამბები
ბოლოს იხილეს
მსგავსი სიახლეები
დამზადებულია Pro-Service -ის მიერ
© PSnews 1995 - 2017 საავტორო უფლებები დაცულია