პარტია „ქართული ოცნება - დემოკრატიული საქართველოს“ წყალტუბოს მერობის კანდიდატი გრიგოლ იოსელიანი სოფელ ყუმისთავის მოსახლეობას შეხვდა.
„ჩვენი მუნიციპალიტეტის განვითარების მთავარი კომპონენტი ტურიზმისა და სოფლის მეურნეობის განვითარებაა. სოფელ ყუმისთავს ორივე მიმართულებით აქვს პოტენციალი - აქ არის ტურისტული ობიექტები, მეხილეობის, მევენახაობის, მეფუტკრეობის განვითარების რეალური პირობები. ჩვენი - თვითმმართველობის საზრუნავი სწორედ ტურიზმისა და ფერმერების ხელშეწყობა და მხარდაჭერა იქნება“, - გრიგოლ იოსელიანი.
ადგილობრივებს საარჩევნო პროგრამა და სოფელში განსახორციელებელი პროექტები საკრებულოს მაჟორიტარობის კანდიდატმა ლატავრა ბენდელიანმა გააცნო.
შეხვედრას წყალტუბოს მაჟორიტარი დეპუტატი ცოტნე ზურაბიანიც ესწრებოდა.