პარტია „ქართული ოცნება - დემოკრატიული საქართველოს“ ზესტაფონის მერობის კანდიდატი კახაბერ მახათაძე წინასაარჩევნო შეხვედრებს განაგრძობს.

მერობის კანდიდატი ამჯერად, სოფელ კვალითის მოსახლეობას შეხვდა და საარჩევნო პროგრამა გააცნო. კახაბერ მახათაძემ შეხვედრაზე იმ პროექტებზე ისაუბრა, რომელთა განხორციელებასაც გამარჯვების შემთხვევაში გეგმავს.

„ჩვენი მიზანია, ხელი შევუწყოთ ქვეყანაში სოფლის მეურნეობის განვითარებას, რაც თავისთავად, ქვეყნის ეკონომიკას გააძლირებს. ყველა პროექტი, რომელიც ხალხის სასიკეთოდაა შექმნილი, გაგრძელდება და კიდევ უფრო დაიხვეწება“, - განაცხადა მერობის კანდიდატმა.

კახაბერ მახათაძემ ადგილობრივებს დეპუტატობის კანდიდატი ტარიელ ხუსკივაძე წარუდგინა და ამომრჩეველს არსებული პრობლემების მოგვარებაში დახმარებას დაპირდა.