პარტია „ქართული ოცნება - დემოკრატიული საქართველოს“ ხონის მერობის კანდიდატი ლადო ჯურხაძე სოფელ ძეძილეთისა და ღვედის ამომრჩეველს შეხვდა, წინასაარჩევნო პროგრამა გააცნო და მათი პრობლემები მოისმინა.

„უპრეცედენტო პროექტი ხორციელდება, რომლის სიკეთესაც თითოეული თქვენგანი ძალიან მალე საკუთარ ოჯახებზე, საკუთარ ბიუჯეტზე იგრძნობთ. გზა, რომლის მეშვეობითაც ორი ტურისტული ზონა ერთმანეთს დაუკავშირება თქვენს სოფელში ბევრი სხვა პროექტის შემომტანი გახდება. „ქართული ოცნების“ გუნდის პრიორიტეტი სოფლის მეურნეობის განვითარება და თქვენამდე ყველა იმ შეღავათიანი პროექტისა და პროგრამის მოტანაა, რასაც სახელმწიფო გთავაზობთ“, - განაცხადა ლადო ჯურხაძემ.

მისივე თქმით, თითოეული სახელმწიფო პროგრამა მოსახლეობას აუცილებლად შეეხება.

„დაგეხმარებით, გაიკვალოთ გზა და ისწავლოთ თუ როგორ დაიწყოთ საკუთარი მეწარმეობა სახელმწიფოს ხელშეწყობით“, - აღნიშნა მერობის კანდიდატმა.