საიტი მუშაობს ტესტირების რეჟიმში
სპონსორი: PSnewsGE
განათლების სამინისტროს განცხადება
განათლების სამინისტროსთვის უცნობია, როგორ მოხვდნენ ქართველი მოსწავლეები რუსეთის ანექსირებულ ტერიტორიაზე ბანაკ "არტეკში"
2017/08/23 12:46:59

 

გთავაზობთ განათლების სამინისტროს განცხადებას იმ ფაქტთან დაკავშირებით, რომელიც რუსეთის ანექსირებულ ყირიმის ტერიტორიაზე არსებულ ბანაკ "არტეკში" ქართველი მოსწავლეების გამგზავრებას უკავშირდება.


"არსებული ინფორმაციით, რუსული ენის უკეთ შესწავლის მიზნით, ერთ-ერთი სკოლის ექვსი მოსწავლე, ანექსირებულ ყირიმში, საერთაშორისო საბავშვო ცენტრარტეკშიგაემგზავრა.

 

სამწუხაროა, რომ სკოლის ადმინისტრაციამ ან ერთმა კონკრეტულმა მასწავლებელმა გაუთვითცნობიერებელი გადაწყვეტილება მიიღო, რის გამოც სკოლის მოსწავლეები რუსეთის მიერ ანექსირებულ ყირიმში მოხვდნენ.

 

ჩვენი ხელისუფლების პოზიცია ურყევია და ვგმობთ რუსეთის მიერ ყირიმის ანექსიას და კიდევ ერთხელ ვაფიქსირებთ ჩვენს ურყევ პოზიციას უკრაინის ტერიტორიული მთლიანობის მიმართ.

მოვუწოდებთ ყველა სკოლის ადმინიატრაციას და მასწავლებელს მომავალში მიიღონ მეტი ინფორმაცია და გააკეთონ გაცნობიერებული არჩევანი.

 

ქართულ მხარეს უკვე ჰქონდა შესაბამისი კომუნიკაცია უკრაინულ მხარესთან, რა დროსაც მათ განემარტათ მომხდარი. განათლებისა და მეცნიერების სამინისტრო კომპეტენტურ ორგანოებთან ერთად  შეისწავლის, იყო თუ არა ეს  მასწავლებლის ინდივიდუალური გადაწყვეტილება თუ მიზანმიმართული ქმედება."

 

 

'.$TEXT['print'].'
სულ ნანახია - 3366
სხვა ამბები
ბოლოს იხილეს
მსგავსი სიახლეები
დამზადებულია Pro-Service -ის მიერ
© PSnews 1995 - 2020 საავტორო უფლებები დაცულია