წყალტუბოს რაიონში - სოფელ მაღლაკში წუხელ კრიმინალური შემთხვევა მოხდა, საკუთარ სახლში მამაკაცი დააყაჩაღეს.
დამნაშავეებმა მამაკაცი ცემეს და ცივი იარაღით ჭრილობებიც მიაყენეს.
მეზობლების თქმით, მამაკაცი სახლში მარტო ცხოვრობდა. წაღებულია გარკვეული რაოდენობის თანხა, რომლის ზუსტი ოდენობა ჯერ ცნობილი არაა.
რაც შეეხება დაზარალებულის ჯანმრთელობის მდგომარეობას, იგი ამ დროისთვის დამაკმაყოფილებელია და მკურნალობას სახლში აგრძელებს.
მომხდარზე გამოძიება სისხლის სამართლის კოდექსის 179-ე მუხლით მიმდინარეობს.