ამბროლაურის მუნიციპალიტეტის სოფ. ხოტევის მე-17 საუკუნის მთავარანგელოზის ეკლესიაში წირვა-ლოცვა არ აღევლინება.
დახურულია ეკლესიის კარი და ის მხოლოდ მაშინ იღება,როდესაც დამთვალიერებელი სტუმრობს სოფელს. ადგილობრივი ირინა დევდარიანის თქმით, ტაძარში წირვა - ლოცვა წელიწადში მხოლოდ ერთხელ აღევლინება - 21 ნოემბერს. მთავარანგელოზობის დღესასწაულზე.
უსახსრობის გამო, შეჩერებულია ტაძარში დაწყებული სარესტავრაციო სამუშაოები. ნაწილობრივ მოპირკეთებულია ეკლესიის კედლები, მოსახატად მომზადებულია საკურთხეველი. ეკლესიის გარე ფასადზე შეინიშნება ბზარები. ტაძრამდე მისასვლელი გზაც საჭიროებს მოპირკეთებას.
ხოტეველები ითხოვენ ეკლესიის რესტავრაციის დასრულებას.
მანანა ლეშქაშელი