დღეს, დაახლოებით 15 საათზე თბილისის რამდენიმე უბანში-გლდანში, მუხიანსა და დიდ დიღომში - ძლიერი წვიმა და სეტყვა იყო.
სეტყვა რამდენიმე წუთის განმავლობაში გრძელდებოდა.
გარემოს ეროვნული სააგენტოს ინფორმაციით, 10-12 ივნისს საქართველოში ცვალებადი, წვიმიანი ამინდი იქნება.
კერძოდ, 10 ივნისის დღის მეორე ნახევრიდან 12 ივნისამდე საქართველოში მოსალოდნელია წვიმა და ელჭექი, ზოგან ძლიერი. ასევე, მოსალოდნელია სეტყვა და დასავლეთის მიმართულების დროგამოშვებით ძლიერი ქარი.