საქართველოს უშუს ეროვნული ნაკრების სპორტსმენები უშუს საერთაშორისო ტურნირიდან - „მოსკოვის უშუს ვარსკვლავი" - გამარჯვებულები დაბრუნდნენ. მოსკოვის საერთაშორისო ტურნირში 20 ქვეყნის 630 სპორტსმენი მონაწილეობდა.

ქართველმა სპორტსმენებმა 5 ოქროს და 1 ვერცხლის და ორი ბრინჯაოს მედალი მოიპოვეს.

ასეთი შედეგი უშუს ეროვნულმა ფედერაციამ პირველად დააფიქსირა.

უფროსთა შორის ტურნირის ჩემპიონები გახდნენ დავით გულისაშვილი (მან ბრინჯაოს მედალიც დაისაკუთრა) და ნინო ჩიხლაძე, ახალგაზრდებს შორის კი ოქროს მედლები მოიგეს ელენე მახარაძემ (მანვე ბრინჯაოც მოიპოვა), რაულ მამედოვმა და მარიამ თურმანიძემ. ლუკა ხუტიაშვილი ვერცხლს დასჯერდა. 

უშუს ეროვნული ფედერაციის ნაკრების მწვრთნელები არიან გიორგი ვერულიძე და ლაშა სუმბულაშვილი

უშუს ეროვნულ ფედერაციას ფინანსური მხარდაჭერა სპორტისა და ახალგაზრდობის საქმეთა სამინისტრომ და თბილისის მუნიციპალიტეტის განათლების, სპორტისა და ახალგაზრდულ საქმეთა საქალაქო სამსახურმა გაუწია.

ვულოცავთ უშუს ფედერაციას და სპორტსმენებს ამ გამარჯვებას და მომავალ წარმატებებს ვუსურვებთ!