ქუთაისში სატრანსპორტო საშუალებების და ფეხით მოსიარულეთათვის უსაფრთხო გადაადგილებისთვის "კუნძულების" მშენებლობა და შუქნიშნების დამატება იგეგმება.
როგორც მერიის პრესსამსახური აცხადებს, მოძრაობის განტვირთვისთვის სამუშაოები შესრულდება 9 აპრილისა და ირ. აბაშიძჲს ქუჩების გადაკვეთაზე, რომელიც შუქნიშნებისა და უსაფრთხოების კუნძულების მშენებლობას ითვალისწინებს.
შესაბამისი ტენდერი ქუთაისის მერიამ უკვე გამოაცხადა. ტენდერის პირობების თანახმად ,,მიმწოდებელი“ ვალდებულია, სამუშაოები ხელშეკრულების დადებიდან 50 (ორმოცდაათი) კალენდარული დღის განმავლობაში განახორციელოს და სამუშაოები დაიწყოს ხელშეკრულების გაფორმებიდან 5 (ხუთი) კალენდარული დღის ვადაში.
წინადადებების მიღება სრულდება 06.03.2017 13:30