დღეს სამაუწყებლო კომპანია ”რუსთავი 2”-ის მხარდასაჭერად რუსთაველის გამზირზე საპროტესტო აქცია გაიმართება. აქცია 14სთ.30 წთ.-ზე დაიწყება პარლამენტის შენობასთან.

ტელეკომპანიის მხარდამჭერ აქციას სამოქალაქო სექტორის, საპარლამენტო და არასაპარლამენტო ოპოზიციის ნაწილი შეუერთდება. 

მხარდამჭერები ჩამოვლენ რეგიონებიდანაც. მათ შორის - ქუთაისიდან. 

აქციის ორგანიზატორების განცხადებით, ხელისუფლების ზეწოლით უზენაესი სასამართლო ტელეკომპანია ”რუსთავი 2” - ის საწინააღმდეგო გადაწყვეტილების გამოიტანას აპირებს. პროტესტის ნიშნად, 18 თებერვლიდან ”რუსთავი 2” საპროტესტო მაუწყებლობაზე გადავიდა, ტელეკომპანია ”მარაო” და “COMEDY არხი” და ”რუსთავი 2”-ის ვებგვერდი აქამდე გათიშულია.