საქართველოში მიგრაციის პრობლემა განსაკუთრებით მწვავედ დგას. ბოლო წლებში ჩატარებული სტატისტიკური კვლევების მიხედვით, ქვეყანაში არამარტო საზღვარგარეთ საშოვერზე წასულ და იქ დამკვიდრებულ ადამიანთა რაოდენობა იმატებს, არამედ კატასტროფულად მზარდია შიდა მიგრაციის ტემპიც.
ეს კი კარგად ჩანს სკოლების მაგალითზე:
მმთიანი სოფლების დაცლის პროცესს შეუქცევადს ქალაქში სასწავლებლად წასული ახალგაზრდების იქვე დარჩენის გადაწყვეტილებაც ხდის. სამწუხარო ისაა, რომ სახელმწიფომ ვერ დაძლია ეს პრობლემა. მოუწესრიგებელი ინფრასტრუქტურა, არასაკმარისი უსარგებლო პროგრამები, უსტრატეგიობა ამ კუთხით, ალბათ, სულ მალე ბევრ სოფელს უკაცრიელს გახდის. თუმცა, შესაძლოა, ეს პროცესი ცივილიზაციის გარდაუვალი შედეგია, რომელსაც ვერც ჩვენი ქვეყანა უმკლავდება.
უნდა აღინიშნოს, რომ მიგრაცია მხოლოდ იმერეთის მუნიციპალიტეტების მაღალმთიანი სოფლების პრობლემა არაა. ქუთაისში ბოლო წლებში მოსახლეობის რაოდენობა არათუ იზრდება, არამედ შემცირებისა და სტაგნაციის ტენდენციის ხასიათდება.
2016 წლის აგვისტოში ქუთაისის საკრებულომ დაამტკიცა ქალაქ ქუთაისის განვითარების სტრატეგია „ქუთაისი 2021“. რომელშიც ნომერ პირველი გამოწვევად ქალაქიდან მოსახლეობის გადინებაა დასახელებული. საკრებულოს მიერ დამტკიცებული დოკუმენტის მიხედვით, ქუთაისისთვის ნომერ პირველი ამოცანაა, შეინარჩუნოს მოსახლეობა. დოკუმენტში აღიარებულია, რომ უპირველესად განსახორციელებელია პროგრამა „იცხოვრე ქუთაისში“, რაც გულისხმობს თანამედროვე მოთხოვნების შესაბამისი საცხოვრებელი პირობების შექმნა, რათა არ მოხდეს ქალაქის მოსახლეობისაგან დაცლა. უწირია თუ არა განხორციელება ქალაქს ამ მიმართულებით, მომავალი წლების მიგრაციის სტატისტიკა აჩვენებს.
ირმა ბახუტაშვილი
თინათინ დვალიშვილი (ინფოგრაფიკა)
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი