ქუთაისში რუსთაველის თეატრი იმყოფება. ლ.მესხიშვილის სახელობის დრამატულ თეატრში სტუმრები, რეჟისორ დავით საყვარელიძის მიერ დადგმულ სპექტაკლს „ლისისტრატეს“ წარმოადგენენ.
სპექტაკლში ქართული თეატრის ცნობილი სახეები მონაწილეობენ. დღესვე, სპექტაკლის დაწყებამდე, მსახიობებს ქუთაისის მერმა, შოთა მურღულიამ, მერიაში უმასპინძლა
.
აღსანიშნავია ისიც, რომ ქუთაისის ლადო მესხიშვილის სახელობის სახელმწიფო თეატრსაც ამჟამად გასტროლი აქვს თბილისში, რუსთაველის თეატრში,სადაც ქუთაისელები ხვალ გოგოლის „რევიზორს“ წარმოადგენენ.
ამ სპექტაკლის რეჟისორი და მუსიკალური გაფორმება გიორგი სიხარულიძეს ეკუთვნის, ხოლო კოსტუმების მხატვარი ქუთაისელი დიზაინერი, ესმა ხეცურიანია.
ლიკა დევდარიანი