ქუთაისის აკაკი წერეთლის სახელმწიფო უნივერსიტეტში  21-22 ოქტომბერს 36-ე  დიალექტოლოგიური სამეცნიერო სესია მიმდინარეობს. მისი ორგანიზატორები არიან:თსუ-ს არნოლდ ჩიქობავას სახელობის ენათამეცნიერების ინსტიტუტი და აკაკი წერეთლის უნივერსიტეტის ჰუმანიტარულ მეცნიერებათა ფაკულტეტი.

 კონფერენციის მნიშვნელობაზე გვესაუბრა პროფესორი გიორგი გოგოლაშვილი:

 „ეს კონფერენცია სულ 36-ჯერ ჩატარდა. ქუთაისში მეექვსედ ვართ წელს.  ეს არის ყოველწლიური კონფერენცია, რომელსაც მორიგეობით მასპინძლობენ სხვადასხვა ქალაქები და სასწავლო დაწესებულებები. ძირითადად - უნივერსიტეტები და სამეცნიერო-კვლევითი ინსტიტუტები.

მთავარი მოხსენების თემებია ქართველური დიალექტოლოგიის საკითხები: ქართული, მეგრული, სვანურური და ლაზურ-ჭანური ენების დიალექტები. დღევანდელ კონფერენციაში მონაწილეობენ: ძირითადად თბილისი, გორი, ბათუმი და ცხადია ქუთაისი. მემგონი, კარგ საქმეს ვემსახურებით და იმედია, ეს მომავალშიც გაგრძელდება.“

კონფერენცია მისასალმებელი სიტყვით გახსნეს: აკაკი წერეთლის უნივერსიტეტის რექტორმა გიორგი ღავთაძემ და არნოლდ ჩიქობავას სახელობის ენათმეცნიერების ინსტიტუტის დირექტორმა ავთანდილ არაბულმა.

შეგახსენებთ, კონფერენცია ორდღიანია და ხვალც 2 სექცია იმუშავებს ენისა და ლიტერეტუტურის მიმართულებით, აკაკი წერეთლის სახელმწიფო უნივერსიტეეტში.

ლიკა დევდარიანი