რამდენიმე დღეა მასიურად ხორციელდება ჩვენი სააგიტაციო მასალების განადგურება.
გუშინ სოფელ გეგუთში დაგვიჭრეს გარე ბანერი, ჩამოხეულია ათეულობით პლაკატი და ეს ფაქტები უკვე სისტემურ ხასიათს იღებს.
ჩვენ უკვე მივმართეთ ამ ფაქტებთან დაკავშირებით ადგილობრივ პოლიციის სამმართველოს და დაწყებულია მოკვლევა. ანალოგიური დაფიქსირდა დღეს სოფელ ოფურჩხეთში, ჟონეთსა და რიონში, რომლის ფოტომასალასაც მოკლე ხანში დავდებთ.
მიუხედავად ასეთი მახინჯი მცდელობებისა შეგვიშალონ ხელი წინასაარჩევნო კამპანიის ჩატარებაში, მოსახლეობაში ჩვენი ცნობადობა და მხარდამჭერთა რიცხვი იზრდება და ძალიან მაღალი რეიტინგით ვხვდებით 8 ოქტომბერს.