სამტრედიის მაჟორიტარობის კანდიდატმა პაატა მანჯგალაძემ ბრიფინგი გამართა. ბრიფინგზე მაჯგალაძემ საარჩევნო ბანერებთან დაკავშირებულ დარღვევებზე ისაუბრა. მისი თქმით, რამდენიმე დღის წინ გამოკრული ბანერი მოპარულია.
"რამდენიმე დღის წინ გავაკარით ბანერი, ახლა კი ადგილი სადაც ბანერი იყო, ცარიელია, რაც ერთი შეხედვითვე ეტყობა. მოვუწოდებ ოპონენტ პოლიტიკურ პარტიებს, წინასაარჩევნო პერიოდი, რომელიც სულ რაღაც 8 დღეს მოიცავს, მშვიდად და დარღვევების გარეშე ჩაატარონ,"– განაცხადა მანჯგალაძემ.
პაატა მანჯგალაძე კენჭს, პაატა ბურჭულაძე – ერთიანი საქართველოსთვის, სახელით იყრის.