ქუთაისის დემოკრატიული ჩართულობის ცენტრში კამპანია-,,მოქალაქის ხმა საარჩევნო პროცესში“ გაიმართა.
კამპანია სამოქალაქო საზოგადოების რეგიონული ქსელის, არასამთავრობო ორგანიზაცია ,,სიდას,“ დემოკრატიული ჩართულობის ცენტრების ქსელის და საქართველოს რეგიონულ მაუწყებელთა ასოციაციის ორგანიზებით იმართება და მისი მიზანია არჩევნებში მონაწილე საარჩევნო სუბიექტებისთვის რეგიონებში არსებული ძირითადი გამოწვევებისა და მოქალაქეთა პრიორიტეტების გაცნობა.
შეხვედრაში მონაწილეობა პოლიტიკური პარტიების მაჟორიტარობის კანდიდატებმა, არასამთავრობო ორგანიზაციებისა და მედიის წარმომადგენლებმა მიიღეს.
როგორც "სიდა"-ს დირექტორი ზვიად დევდარიანი აღნიშნავს, მსგავსი ფორმატით შეხვედრები საქართველოს 10 ქალაქში გაიმართება.