"რუსეთი არის ძალიან ანგარიშგასაწევი ქვეყანა. ისინი ყველაფერზე წამსვლელები არიან, ამიტომ არ უნდა გავაღიზიანოთ,"-ეს განცხადება "თამაზ მეჭიაური ერთიანი საქართველოსთვის" მაჟორიტარობის კანდიდატმა ლია გვენეტაძემ დემოკრატიული ჩართულობის ცენტრში გამართულ ბრიფინგზე განაცხადა. აღნიშნული ბრიფინგის მთავარი თემა გენდერულ-საკონსულტაციო საბჭოები და ქალი კანდიდატებისადმი მათი თანადგომა იყო, თუმცა ლია გვენეტაძის განცხადებით თანადგომა მამაკაც კანდიდატებსაც სჭირდებათ.
დეპუტატობის კანდიდატმა აღნიშნა, რომ მას არ აქვს საშუალება აწარმოოს საარჩევნო კამპანია. ის მთავარ კონკურენტად დაბალ სამოქალაქო კულტურას მიიჩნევს და ამბობს, რომ ქვეყანაში ინტლექტის ნაკლებობა გვაქვს.
"თუ ჩვენ გვინდა ქვეყანაში ვიცხოვროთ, უნდა დავიწყოთ საკუთარი თავის გაზრდა,"-აღნიშნა ლია გვენეტაძემ.