ერთიანი ნაციონალური მოძრაობის იმერეთის რეგიონის მაჟრიტარობის კანდიდატები და პარტიის ლიდერები საკუთარ ამომრჩეველს დღეს, ქუთაისის მერიის წინ, რუსთაველის გამზირზე შეხვდნენ. შეხვედრას 2000-ზე მეტი მხარდამჭერი ესწრებოდა.
ადგილზეე არანაირ ექსცესს ადგილი არ ჰქონია. დღევანდელი შეკრების გამო დაახლოებით 3 საათის განმავლობაში გადაიკეტა რუსთაველის გამზირის ნაწილი, რის გამოც მნიშვნელოვნად შეფერხდა ავტოსაგზაო მოძრაობა.
მაჟორიტარობის კანდიდატებმა კიდევ ერთხელ მიმართეს მხარდამჭერებს და საარჩევნო პროგრამის მთავარი მესიჯები კიდევ ერთხელ შეახსენეს მათ.
-ქუთაისი ისევე, როგორც მთლიანად საქართველო, ელოდება ცვლილებებს, ელოდება წინსვლას, პრობლემების მოგვარებას, - განაცხადა დავით ბაქრაძემ.
სოფო მანჯგალაძე