ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) სადამკვირვებლო მისია 30 აგვისტოს საქართველოში მუშაობას შეუდგა, რათა 8 ოქტომბრის საპარლამენტო არჩევნებს მონიტორინგი გაუწიოს.
ამჟამად მისია, რომელიც თბილისშია განთავსებული, 9 ქვეყნის 12 ექსპერტისგან შედგება, რომელთაც 5 სექტემბრიდან 26 გრძელვადიანი დამკვირვებელი შეუერთდება, რომლებიც ქვეყნის მასშტაბით განთავსდებიან და წინასაარჩევნო პროცესებს დააკვირდებიან.
ეუთოს დემოკრატიული ინსტიტუტების და ადამიანის უფლებების ოფისმა (ODIHR) თხოვნით მიმართა ეუთოს წევრ სახელმწიფოებს, რომ 350 მოკლევადიანი დამკვირვებელი გამოაგზავნონ საქართველოში უშუალოდ არჩევნების დღეს მიმდინარე პროცესების მონიტორინგისთვის.