"პაატა ბურჭულაძე - სახელმწიფო ხალხისთვის" სახელით 2016 წლის საპარლამენტო არჩევნებში ქუთაისის მაჟორიტარი დეპუტატობისთვის #48 ოლქში თემურ ცამციშვილი იბრძოლებს, #49 საარჩევნო ოლქში ზვიად ბაღდავაძე, ხოლო #47 ოლქში ამირან ხვადაგიანი.
თემურ ცამციშვილი "ახალი პოლიტიკური ცენტრის-გირჩის" კანდიდატია, ზვიად ბაღდავაძე "სამოქალაქო პლატფორმა- ახალ საქართველოს" წარმოადგენს, ხოლო ამირან ხვადაგიანი მოძრაობას "პაატა ბურჭულაძე -სახელმწიფო ხალხისთვის".
ამასთანავე, პაატა ბურჭულაძემ იმერეთის მუნიციპალიტეტების მაჟორიტარობის კანდიდატებიც დაასახელა.