ქუთაისის ან.რაზმაძის სახელობის N41–ე საჯარო ფიზიკა–მათემატიკის სკოლას მწერალი როსტომ ჩხეიძე სტუმრობდა. მან მოსწავლეებს წაუკითხა ლექცია საქართველოს პირველი პრეზიდენტის, ზვიად გამსახურდიას შესახებ.

წლების წინ გამოსულ წიგნს „თუ საწუთრომან დამამხოს“, რომელშიც ძალზე საინტერესოდ ​წარმოჩინდა ზვიად გამსახურდიას სახე და ბედისწერა, დაემატა ბოლო წლებში მისი სიკვდილის შემსწავლელი საპარლამენტო კომისიის მიერ მოპოვებულიო მასალები, რის გამოც საკითხის აქტუალობიდან გამომდინარე, წიგნის შევსებული გამოცემა მოითხოვა. ცოტა ხნის წინ კი მზის სინათლე იხილა რომანმა „ეკლის გვირგვინი“.

ლექცია, რა თქმა უნდა, ძალზე საინტერესო იყო. სიტყვით გამოვიდნენ: მწერალი _ ელგუჯა თავბერიძე, სოხუმის უნივერსიტეტის პროფესორი _ ნინო ვახანია, მასწავლებელი – ნესტან მჟავანაძე, სტუმარი – მეგი კაკაბაძე. ბატრონმა როსტომმა უპასუხა მოსწავლეთა შეკითხვებს.  

მეორე დღეს, ბატონ როსტომ ჩხეიძესთან ერთად, გელათს ესტუმრნენ XIბ კლასის მოსწავლეები.

ბატონი მერაბ კეზევაძის ლექციამ „გელათის ქვეყანა“ და მონასტრისა და მისი შემოგარენის სულ სხვაგვარმა დათვალიერებამ, ეს დღე მართლაც რომ დაუვიწყარი გახადა.