ქუთაისში, ახალგაზრდობა და არასამთავრობო სექტორის დიდი ნაწილი აპროტესტებს „ოქროს ჩარდახთან“ მდებარე სკვერში კაფე-ბარ „არგოს“ მშენებლობას.
20 აპრილს 13 საათზე ამ ტერიტორიაზე დაგეგმილია საპროტესტო აქცია, რომლის მთავარი მესიჯებია: "გაუქმდეს სკვერში მშენებლობის ნებართვა" და "კეთილმოეწყოს სკვერი"
აქციის ორგანიზატორები მშენებლობის ნებართვის გაუქმებას ითხოვენ.
"კულტურული მემკვიდრეობის ძეგლთან ("ოქროს ჩარდახი") მშენებლობა არ შეიძლება; სკვერს უნდა ჰქონდეს სკვერის სახე და სკვერში არ უნდა მიმდინარეობდეს მშენებლობები; მშენებლობები კულტურული მემკვიდრეობის ხარჯზე არ უნდა ხდებოდეს," - აცხადებენ აქციის ორგანიზატორები.
"არგოს" მშენებლობის წინააღმდეგ საპროტესტო აქციის ორგანიზებას 10 არასამთავრობო ორგანიზაცია ხელმჭღვანელობს: "ევროპა ჩვენი სახლია"; "საზოგადოების უფლებები";
"ლიბერალური კლუბი"; უნივერსიტეტი "ლამპარი"; საზოგადოებრივი ინტერესების დაცვის ცენტრი; "ეკოლოგიის მცველები"; "უფლებებისთვისა და განათლებისთვის"; "ქუთაისის საინფორმაციო ცენტრი"; იმერეთის საზოგადოებრივი განვითარების ცენტრი; სამეცნიერო-ინტელექტუალური კლუბი "თაობათა დიალოგი“