პოპულარულმა ქართულმა მუსიკალურმა ჯგუფმა “ქორალი” კიდევ ერთი ახალი სიმღერა შექმნა.

მუსიკა, რომელიც დაახლოებით ერთი თვეა, ტრიალებს რადიო  “არ დაიდარდოს” ეთერში, ქუთაისს ეძღვნება.

სიმღერის - “ქუთაისო” - ტექსტის და მუსიკის ავტორი ჯგუფის სოლისტი, აფხაზეთიდან დევნილი გიგა (გიორგი)  მაღლაფერიძეა, რომელმაც ბავშვობის აქტიური წლები ქალაქ ქუთაისში გაატარა. 11 წელია, ცხოვრობს თბილისში.

ჯგუფი “ქორალი” 2006 წელს შეიქმნა და ის 30 - მდე ნოვატორული ჟანრის ( ეთნო, ფოლკისა და პოპის ნაზავ) სიმღერას ითვლის.

2007 წლის მეგა-ვარსკვლავის მფლობელი ჯგუფი   ისეთი სიმღერებითაა ცნობილი, როგორიცაა - ლოცვა, ვედრება, სამშობლო და სხვა...

გიგა მაღლაფერიძე აღნიშნავს, რომ ჯგუფს საკუთარი სახსრებით და პროდიუსერის გარეშე უწევს  სიმღერების ჩაწერა, სწორედ ამიტომაც გადაიდო უახლესი სიმღერის - “ქუთაისო”-ს კლიპის გადაღებაც, რომლის შესაქმნელადაც სულ რაღაც 5000 ლარამდეა საჭირო.

“ქორალი” მის აქტიურ მსმენელს სულ მალე  ახალ სიმღერას - “ჰადილი” -  შესთავაზებს.

მანანა ლეშქაშელი