"თანხა საწყის ეტაპზე, საამქროს ასამუშავებლად საკმარისი აღმოჩნდა. ამუშავებიდან ერთ თვეში პროდუქცია მქონდა. როდესაც მუშაობა დავიწყე, ჩემს სოფელში იმ პერიოდში მარტო მანდარინი და კივი იყო, ამიტომ ორიენტირება მათ გამოშრობაზე ავიღე. ახლა ვაწარმოებ - დაშაქრულ მანდარინს, დაშაქრულ კივს, კივის ჩირს, ტყლაპებს, ფორთოხლის ცუკატებს, და ჩურჩხელებს, როგორც თხილის, ასევე ნიგვზის, ჩირის. ჩემი პროდუქცია ნარევია - ყველაფერი გემრიელი და ნატურალური ერთად.

 

ასევე გეგმები მაქვს ჩაისთან დაკავშირებით. იმიტომ, რომ სეზონიდან გამომდინარე, უკვე არც მანდარინია და არც - კივი. ჯერ არაფერი ახალი ხილი არ არის შემოსული და იები აყვავდა, რომელიც ჩაისთვის გამოვიყენე. ჩაიც ნატურალურია, მეზობლის პლანტაციიდან. მინდა, ჩაის მოცვი და სხვა ხილიც დავუმატო.