ავღანეთში სამშვიდობო მისია  „გადამწყვეტ მხარდაჭერაში“ მონაწილე 13 ქართველ ქალბატონს, საქართველოს შეიარაღებული ძალების 32–ე ბატალიონის ასეულ „ალფას“ მეთაურმა ირაკლი ქობალიამ, ქალთა დღე მიულოცა და საჩუქრები გადასცა.

„მორიგეობაზე რომ გავედით, მეთაური მოვიდა და ასეულის სახელით კოინები გადმოგვცა. ეს, რა თქმა უნდა, დამამახსოვრდება“, — ციტირებს სერჟანტ ნათია ჩხარტიშვილს თავდაცვის სამინისტროს პრესსამსახური. https://www.facebook.com/media/set/?set=a.1155113391188068.1073744663.107079819324769&type=3&hc_location=ufi

თავის მხრივ, „ავღანელმა“ ქალმა–სამხერო მოსამსახურეებმაც მიულოცეს 8 მარტი ქართველ ქალებს.

დღეისათვის ავღანეთში სამშვიდობო მისიაში 13 ქალი გადის სამხედრო სამსახურს. ოთხი მათგანი ოფიცერია, ექვსი — სერჟანტია, ერთი — კაპრალი, ერთი — რიგითი და ერთიც — სამოქალაქო პირი. 

მისია„გადამწყვეტი მხარდაჭერა“ ავღანეთში 2015 წლის 1 იანვარს, აშშ–სა და ალიანსში მისი მოკავშირეები სსამხედრო ოპერაციების სტადიის დასრულების შემდეგ დაიწყო. 2015 წლის დასაწყისში ქაბულში, ყანდაგარში, გერათსა და მაზარი–შარიფში დაახლოებით 12 ათასი სამხედრო განალაგეს.

მისია არასაბრძოლო ხასიათისაა. ნატოს ჯარისკაცებს შეუძლიათ შეტევის მოგერიება, მაგრამ ისინი არ მონაწილეობენ ავღანეთის უშიშროების ძალებთან ერთად საბრძოლო მოქმედებებში.

საქართველო მეოთხე ქვეყანაა, რომელიც არ წარმოადგენს ჩრდილო-ატლანტიკური ალიანსის წევრს, თუმცა მიერთებულია ნატოს სწრაფი რეაგირების ძალებთან.