ქუთაისის ახალგაზრდული ცენტრის ორგანიზებით შეზღუდული შესაძლებლობის მქონე ბავშვთა დღის ცენტრის, „ჯადოსნური სამყაროს“ ბენეფიციარები თოჯინების თეატრში დაესწრნენ წარმოდგენას.
აღნიშნული ღონისძიება განხორციელდა ადვოკატირების პროგრამის ფარგლებში, რომელიც მიზნად ისახავს შშმ და სოციალურად დაუცველი პირების სოციალიზაციასა და ინტეგრაციას საზოგადოებაში, მხარეთა სოციალური პასუხისმგებლობების განაწილებას არსებული პრობლემების აღმოფხვრის მიზნით და აღნიშნული პირების ჩართულობას კულტურულ პროგრამებში.
ადვოკატირების პროგრამის ფარგლებში ქუთაისის განათლების განვითარების და დასაქმების ცენტრსა და ქუთაისის იაკობ გოგებაშვილის სახელობის თოჯინების პროფესიულ სახელმწიფო თეატრს შორის გაფორმდა ურთიერთთანამშრომლობის მემორანდუმი.
ღონისძიება ორგანიზებული იქნა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია ქუთაისის განათლების განვითარების და დასაქმების ცენტრი.