საიტი მუშაობს ტესტირების რეჟიმში
სპონსორი: PSnewsGE
2016 წლის პირველი სტუმარი ზღაპართოთახში
2016/02/05 17:12:27

2016 წლის 4 თებერვალს პირველი სტუმარი ეწვია ზღაპართოთახს. ქუთაისის განათლების განვითარების და დასაქმების ცენტრის შშმ ბავშვთა დღის ცენტრი ,,ჯადოსნური სამყარო’’ განსაკუთრებულად არჩევდა სტუმარს, თუ ვინ იქნებოდა წარმატებული პროექტის ახალი მეზღაპრე. დღეს შედგა პირველი ზღაპრის საათი და ჩვენი სტუმარი სახალხო დამცველის რწმუნებული იმერეთის, რაჭა-ლეჩხუმისა და გურიის რეგიონში მადონა ბასილაძე გახლდათ.

 

პროცესი შთამბეჭდავად წარიმართა, ბავშვები როლური თამაშისათვის ემზადებოდნენ. სტუმარს გააცვნეს თემატიკა, თამაშის არსი და რადგან წითელქუდას გმირების სახეები უნდა მოერგოთ, სთხოვეს ზღაპართმთხრობელს მათთვის წითელქუდა წაეკითხა. ბავშვები აქტიურად ჩაერთვნენ შემოქმედებით პროცესში. 


ქალბატონმა მადონამ დღის ცენტრს საჩუქრად სულხანსაბას იგავ არაკების კრებული გადასცა და კრებულიდან ერთერთი იგავი  წაიკითხა. გამორჩეულმა მეზღაპრემ ორ ახალ ტრადიციას ჩაუყარა საფუძველი, ტრადიციად დამკვიდრდა ზღაპართან ერთად ერთი იგავარაკის გაცნობა ყოველ ახალ სტუმართან ერთად და მომდევნო სტუმარიც თვითონ შეარჩია, სახალხო დამცველის რწმუნებულმა მოწვევა თოჯინების სახელმწიფო თეატრის მსახიობს გადასცა. 
ზღაპართოთახი 2016 წლის ღონისძიებების პროგრამას სიახლეებით შეხვდა.

'.$TEXT['print'].'
სულ ნანახია - 1618
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია