" გამოძიებით დადგინდა, რომ 2016 წლის 13 იანვარს დახლოებით 16:15 საათზე ვახტანგ ქირია სახლიდან გავიდა დ მისი ადგილსამყოფელი ოჯახის წევრებისთვის უცნობი იყო. გამორთული იყო მობილური ტელეფონი, არ ჩანდა მისი კუთვნილი ავტომანქანა და ვერ ხერხდებოდა მასთან დაკავშირება.

გატარებული საგამოძიებო და ოპერატიული სამძებრო ღონისძიებების შედეგად, ამოღებული იქნა კვალის ასარევად რუსთავში გადაგდებული ვახტანგ ქირიას მობილური ტელეფონი. 

დადგენილი იქნა ვახტანგ ქირიას ავტომობილის ბოლო გადაადგილების მარშუტი, რომელიც მიძრაობდა თბილისის ვაჟა-ფშაველას გამზირის მე-7 კვარტლის მიმდებარე  ტერიტორიაზე.

ამ დროსითვის არსებული ინფორმაციით, დანაშაულის ჩადენის ზუსტი ადგილის დასადგენად, პოლიციის მიერ გადამოწმდა მიმდებარე ტერიტორია, იქ არსებული საცხოვრებელი კორპუსები და მოხდა მაცხოვრებელთა გამოკითხვა. 

16 იანვარს ვახტანგ ქირიას ცხედარი აღმოჩენილი იქნა თბილისში ვაჟა -ფშაველას გამზირზე მე-7 კვარტლის 24- ე კორპუისის ერთ- ერთ დაკეტილ საცხოვრებელ ბინაში. 

მას სხეულზე აღენიშნებოდა დაზიანებები და ბასრი საგნით მიყენებული ჭრილობები. ხოლო თავის არეში ცეცხლსასროლი იარაღით მიყენებული ჭრილობები. 

შემთხვევის ადგლს ემჩნეობდა დანაშაულის დაფარვის მცდელობის კვალი, კერძოდ, სისხლის კვალის მოსასპობად აბაზანაში დამაგრებული იყო მასის ასაწევად საჭირო ე.წ ტალი და ვახტანგ ქირიას სხეულს ემჩნეოდა დანაწევრების საწყისი ეტაპებისათვის დამახასიათებელი კვალი. 

აქვე იყო ე.წ. ბარგალკა,რომელსაც ასევე ემჩნეოდა სავარაუდოდ ადამიანის სისხლის კვალი, და მოცულობით დიდი საგნის გადასატანად საჭირო დიდი გორგოლაჭებიანი ჩანთა", - აღნიშნა თეა პერტაიამ. 

პერტაიას ინფორმაციით, აღნიშნულ საქმეზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.