ქუთაისში მოსულ  თოვლს ახალგაზრდების მხიარულება და გუნდაობა მოჰყვა, თუმცა უხვმა ნალექმა ქალაქში ტრანსპორტის გადაადგილება შეაფერხა და ქვეითად მოსიარულეებსაც პრობლემები შეუქმნა.

 მიუხედავად იმისა, რომ გზებზე გაწმენდითი სამუშაოები გვიან ღამით დაიწყო და ახლაც გრძელდება, ჯერჯერობით მხოლოდ ქალაქის ცენტრალური ნაწილი თუა მხოლოდ გაწმენდილი.

ქუთაისის მერის თქმით, ქალაქში ინტენსიურად მიმდინარეობს გზების გაწმენდა, ხდება  ტექნიკური მარილის დაყრა. შესაბამისად, ტრანსპორტის შეფერხებაც მინიმალურია. მისივე თქმით, თოვლს არ დაუზიანებია ელექტროგადამცემი ბოძები და მოსახლეობას ენექტროენერგია შეუფერხებლად მიეწოდება.

„ ჩვენ შევქმენით საგანგებო შტაბი თუმცა ჯერჯერობით რაიმე სერიოზულ პრობლემასთან საქმე არ გვქონია. ადგილობრივი ძალებით შევძელით თოვლთან გამკლავება. გვაქვს საკმარისი ტექნიკური საშუალებები და ახალი სპეციალური ავტომანქანები“- განაცხადა ქუთაისის მერმა შოთა მურღულიამ.