ხონის მუნიციპალიტეტის სოფ.ქუტირის საჯარო სკოლის მე-10 კლასის მოსწავლეებმა სამოქალაქო განათლების პროგრამის „მომავლის თაობა'' ფარგლებში საკლასო პროექტი „არ შეცდე, ნუ დაინგრევ ბავშვობას" განახორციელეს. პროექტი ნაადრევ ქორწინებას ეხება, პროექტის პრეზენტაციას საკრებულოს თავმჯდომარე ბატონი ზურაბ მიქაძე, საბავშვო ბაღის გამგე ქალბატონი თამარ ქიშმარაია,სოფლის მოძღვარი მამა ზურაბ ბუაძე, გაზეთ ,,ხონის'' რედაქტორი ქალბატონი მაია ფეიქრიშვილი, ბიბლიოთეკის გამგე ლია ტერელაძე, უბნის ინსპექტორი ბატონი ტარიელ უგულავა, მშობლები და ამავე სკოლის მოსწავლეები ესწრებოდნენ.
მოსწალეებმა მათ მიერ გადაღებული ფილმი აჩვენეს, რის შემდეგაც გაიმართა დისკუსია.