2015 წლის 28 ნოემბერს ქალაქ ქუთაისის მე–40 საჯარო სკოლის მე–7ა კლასის (კლასის დამრიგებელი ქალბატონი ნუნუ ხურციძე) მოსწავლეთა ძალებით ქალაქის სპორტულ მუზეუმში ჩატარდა კონფერენცია თემაზე: „ოლიმპიური თამაშების ისტორია, თანაქალაქელი ოლიმპიური ჩემპიონები. კონფერენციას ესწრებოდნენ სკოლი დირექტორი ქ–ნი ლ. კუხიანიძე, ფიზ.აღზრდის მასწავლებლები: გ. ბზიკაძე და ბ. ჯანელიძე , სკოლის ბიბლიოთეკარი დ.გედენიძე, მასწავლებლები ი. კლდიაშვილი და ი. ყურაშვილი, მოსწავლეთა მშობლები,აგრეთვე მუზეუმის მეცნიერ– თანამშრომლები და მუზეუმის ამაგდარი მუშაკი, აკადემიკოსი ზ.ჯავახაძე.

მოსწავლეებმა :ნ. მოდებაძემ, ა.ღელეყვამ, მ.გურეშიძემ, თ.ლილუაშვილმა, გ.არჯევანიძემ, ვ,სულაქველიძემ,მ.ბოჭორიშვილმა და ლ.ზივზივაძემ წაიკითხეს მოხსენებები: ოლიმპიური თამაშების აღდგენის , ოლიმპიური კომიტეტის შექმნის ისტორია, აგრეთვე თანაქალაქელი ოლიმპიური ჩემპიონების დ.ხახალეიშვილის, ი.ცირეკიძის, ზ.საკანდელიძის,ო.ქორქიასა და ქ.ლოსაბერიძის ბიოგრაფიები, იასუბრეს მათ ღვაწლსა და დამსახურებაზე ქართული სპორტის განვითარების საქმეში. 

კონფერენციის მუშაობას მაღალი შეფასება მისცეს ქ–ნმა ლ.კუხიანიძემ და ზ.ჯავახაძემ. მათ აღნიშნეს სპორტის მნიშვნელობაზე მოზარდის განვითარებისა და ჯანმრთელობის საქმეში,მუზეუმის თანამშრომლების მხრიდან გამოითქვა სურვილი საქმიანი ურთიერთობების გაგრძელებისა . მოსწავლეებმა დაათვალიერეს მუზეუმი, გადაიღეს სამახსოვრო ფოტოები და შთაბეჭდილებებით აღსავსე დაემშვიდობნენ მუზეუმის თანამშრომლებს.