2015 წლის 20 ნოემბერს ქუთაისის N40 საჯარო სკოლაში მათემატიკის მასწავლებელმა თეა მეშველიანმა მე-11ბ კლასში ჩაატარა შემაჯამებელი საჩვენებელი გაკვეთილი თემაზე „ტრიგონომეტრიული ფუნქციები“.
გაკვეთილზე მიზნობრივად გამოიყენა ისტ-ი, სათვალსაჩინო მასალა და სხვა სასწავლო რესურსები. კლასი აქტიურად იყო ჩაბმული საგაკვეთილო პროცესში. მოსწავლეები მსჯელობდნენ ტრიგონომეტრიის პრაქტიკულ მნიშვნელობაზე, კავშირზე მეცნიერების სხვადასხვა დარგებთან. სახალისო და ეფექტური იყო ვიდეორგოლი „ჩვენ ვსწავლობთ ტრიგონომეტრიას“. მოსწავლეები თეორიულ მასალას კარგად იყენებდნენ ტრიგონომეტრიული მაგალითების ამოხსნაში. საგულისხმოა, რომ ამ გაკვეთილზე შეჯამდა 4 წლის მანძილზე ნასწავლი ტრიგონომეტრიული მასალა. გაკვეთილი იყო დატვირთული, საქმიანი და მეთოდურად სწორად დაგეგმილი.
გაკვეთილმა კოლეგების მოწონება დაიმსახურა. სკოლის დირექტორმა ქალბატონმა ლია კუხიანიძემ დადებითად შეაფასა მასწავლებლის შრომა და მოსწავლეებს უსურვა შემდგომი წარმატებები.