2015 წლის 19 ნოემბერს ქ.ქუთაისის მე–40 საჯარო სკოლაში ჩატარდა ვიქტორინა –კონკურსი მე–5ა,მე–5ბ და მე–5გ კლასებს (მასწავლებლები:ნ.ირემაძე,ი.ყურაშვილი) შორის. კონკურსს ესწრებოდნენ მოსწავლეები, მოსწავლეთა მშობლები, მასწავლებლები,დირექტორის მოადგილე სასწავლო–აღმზრდელობით დარგში ქ–ნი მ. ნიკოლაძე და სკოლის დირექტორი ქ–ნი ლ. კუხიანიძე. კონკურსის მსვლელობას აფასებდა კომპეტენტური ჟიური მათემატიკის მასწავლებლების თ.მათნაძისა და თ. მეშველიანის , ასევე დირექტორის მოადგილის ქ–ნ მაია ნიკოლაძის შემადგენლობით.

კონკურსი საინტერესოდ წარიმართა. გუნდები: „ვარსკვლავები“ (მე–5ა კლასი), „ედელვაისი“(მე–5ბკლასი) და „ცისარტყელა“( მე–5გ კლასი) მისალმნენ ერთმანეთს, ახსნეს გუნდების სახელწოდებები და წარმოადგინეს გუნდების დევიზი. საინტერესო იყო მათ მიერ წარმოდგენილი კედლის გაზეთები გუნდების ემბლემებით. ყველა გუნდს მიეცა 5–5 ამოცანა, ჩატარდა კაპიტნებისა და გულშემატკივართა კონკურსი. ქულათა საერთო რაოდენობით კონკურსის გამარჯვებული გახდა გუნდი „ცისარტყელა“, რომელთაც გადაეცათ ფასიანი საჩუქარი ფეხბურთის ბურთი.

კონკურსისათვის მზადებაში აქტიურად მონაწილეობდნენ კლასის ხელმძღვანელები გ.ხუსკივაძე ,ს.საგანელიძე ,თ.გაჩეჩილაძე და მოსწავლეთა მშობლები.

ჩატარებული კონკურსი მაღალ დონეზე შეაფასეს დირექტორის მოადგილემ ქ–ნმა მ.ნიკოლაძემ და სკოლის დირექტორმა ქ–ნმა ლ.კუხიანიძემ.გამოთქვეს სურვილი კონკურსების ტრადიციად დამკვიდრებისა და კვლავაც ჩატარებისა.