ქ.ქუთაისის მე-40 საჯარო სკოლის დაწყებითი სწავლების კათედრამ ნოემბრის თვეში წარმოადგინა ერთობლივი ღონისძიება ,,ფერად-ფერადი შემოდგომა".
სკოლის მეორე სართული(სადაც განთავსებულია დაწყებითი კლასების საკლასო ოთახები) მოირთო საშემოდგომო განწყობის ამსახველი მასალებით: ნახატებით, ფოთლებით, თივის ზვინებით, დაიდგა ხილით სავსე მაგიდები, მოიხარშა წაბლი, მოდუღდა თათარა, ამოივლო ჩურჩხელები. წარმოდგენილი იქნა მინი ლიტერატურული კომპოზიცია. ღონისძიების დასრულების შემდეგ მოსწავლეებმა დააგემოვნეს საშემოდგომო ნობათი.
სკოლის დირექცია და პედაგოგები მადლობას უხდიან მოსწავლეთა მშობლებს სკოლასთან თანამშრომლობისთვის.